Study Desk

So Crist clarifiede not hym silf, that he were bischop, but he that spak to hym, Thou art my sone, to dai Y gendride thee.

But of perfit men is sad mete, of hem that for custom han wittis exercisid to discrecioun of good and of yuel.

But it is impossible, that thei that ben onys liytned, and `han tastid also an heuenly yifte, and ben maad parceneris of the Hooli Goost,

But that that is bringinge forth thornes and breris, is repreuable, and next to curs, whos endyng schal be in to brennyng.

But, ye moost dereworthe, we tristen of you betere thingis, and neer to helthe, thouy we speken so.

that ye be not maad slowe, but also sueris of hem, whiche bi feith and pacience schulen enherite the biheestis.

But biholde ye how greet is this, to whom Abraham the patriark yaf tithis of the beste thingis.

But he whos generacioun is not noumbrid in hem, took tithis of Abraham; and he blesside this Abraham, which hadde repromyssiouns.

And heere deedli men taken tithis; but there he berith witnessyng, that he lyueth.

But he in whom these thingis ben seid, is of another lynage, of which no man was preest to the auter.

which is not maad bi the lawe of fleischli maundement, but bi vertu of lijf that may not be vndon.

For whi the lawe brouyt no thing to perfeccioun, but there is a bringing in of a betere hope, bi which we neiyen to God.

And hou greet it is, not with out sweryng; but the othere ben maad preestis with outen an ooth;

but this preest with an ooth, bi hym that seide `to hym, The Lord swoor, and it schal not rewe hym, Thou art a preest with outen ende, bi the ordre of Melchisedech;

but this, for he dwellith with outen ende, hath an euerlastynge preesthod.

And the lawe ordeynede men prestis hauynge sijknesse; but the word of swering, which is after the lawe, ordeynede the sone perfit with outen ende.

But a capitle on tho thingis that ben seid. We han siche a bischop, that sat in the riythalf of the seete of greetnesse in heuenes,

But now he hath getun a betere mynysterie, bi so myche as he is a mediatour of a betere testament, which is confermyd with betere biheestis.

But this is the testament, which Y schal dispose to the hous of Israel aftir tho daies, seith the Lord, in yyuynge my lawis in to the soulis of hem, and in to the hertis of hem I schal aboue write hem; and Y schal be to hem in to a God, and they schulen be to me in to a puple.

But in seiynge a newe, the formere wexide eeld; and that that is of many daies, and wexith eeld, is nyy the deeth.