Study Desk

If oon fallith doun, he schal be vndurset of the tothere; wo to hym that is aloone, for whanne he fallith, he hath noon reisynge him.

For sum tyme a man goith out bothe fro prysoun and chaynes to a rewme; and anothir borun in to a rewme is wastid bi nedynesse.

I siy alle men lyuynge that goen vndur the sunne, with the secounde yong wexynge man, that schal rise for hym.

Thou that entrist in to the hous of God, kepe thi foot, and neiye thou for to here; for whi myche betere is obedience than the sacrifices of foolis, that witen not what yuel thei don.

Speke thou not ony thing folily, nether thin herte be swift to brynge forth a word bifore God; for God is in heuene, and thou art on erthe, therfor thi wordis be fewe.

If thou hast avowid ony thing to God, tarie thou not to yelde; for an vnfeithful and fonned biheest displesith hym; but `yelde thou what euer thing thou hast avowid;

If thou seest false chalengis of nedi men, and violent domes, and that riytfulnesse is distried in the prouynce, wondre thou not on this doyng; for another is hiyere than an hiy man, and also othere men ben more hiye aboue these men;

For thei perischen in the worste turment; he gendride a sone, that schal be in souereyn nedynesse.

For he schal not bithenke miche on the daies of his lijf, for God ocupieth his herte with delicis.

For he cometh in veyn, and goith to derknessis; and his name schal be don a wei bi foryetyng.

It is betere to go to the hous of morenyng, than to the hous of a feeste; for in that hous `of morenyng the ende of alle men is monestid, and a man lyuynge thenkith, what is to comynge.

Yre is betere than leiyyng; for the soule of a trespassour is amendid bi the heuynesse of cheer.

for as the sown of thornes brennynge vndur a pot, so is the leiyyng of a fool. But also this is vanyte.

Be thou not swift to be wrooth; for ire restith in the bosum of a fool.

Seie thou not, What gessist thou is of cause, that the formere tymes weren betere than ben now? for whi siche axyng is fonned.

For as wisdom defendith, so money defendith; but lernyng and wisdom hath this more, that tho yyuen lijf to `her weldere.

In a good day vse thou goodis, and bifore eschewe thou an yuel day; for God made so this dai as that dai, that a man fynde not iust playnyngis ayens hym.

It is good, that thou susteyne a iust man; but also withdrawe thou not thin hond from hym; for he that dredith God, is not necligent of ony thing.

for thi conscience woot, that also thou hast cursid ofte othere men.

Haste thou not to go awei fro his face, and dwelle thou not in yuel werk. For he schal do al thing, that he wole;