Study Desk

not as Caym, that was of the yuele, and slouy his brother. And for what thing slouy he him? for hise werkis weren yuele, and hise brotheris iust.

Ech man that hatith his brother, is a man sleere; and ye witen, that ech mansleere hath not euerlastinge lijf dwellinge in hym.

In this thing we han knowe the charite of God, for he puttide his lijf for vs, and we owen to putte oure lyues for oure britheren.

He that hath the catel of this world, and seeth that his brothir hath nede, and closith his entrailis fro hym, hou dwellith the charite of God in hym?

In this thing we knowen, that we ben of treuthe, and in his siyt we monesten oure hertis.

And this is the comaundement of God, that we bileue in the name of his sone Jhesu Crist, and that we loue ech othere, as he yaf heeste to vs.

Moost dere britheren, loue we togidere, for charite is of God; and ech that loueth his brother, is borun of God, and knowith God.

In this thing we knowen, that we dwellen in hym, and he in vs; for of his spirit he yaf to vs.

And we sayen, and witnessen, that the fadir sente his sone sauyour of the world.

If ony man seith, that `Y loue God, and hatith his brother, he is a liere. For he that loueth not his brothir, which he seeth, hou mai he loue God, whom he seeth not?

And we han this comaundement of God, that he that loueth God, loue also his brothir.

In this thing we knowen, that we louen the children of God, whanne we louen God, and don his maundementis.

For this is the charite of God, that we kepe hise maundementis; and his maundementis ben not heuy.

If we resseyuen the witnessing of men, the witnessing of God is more; for this is the witnessing of God, that is more, for he witnesside of his sone.

He that bileueth in the sone of God, hath the witnessing of God in hym. He that bileueth not to the sone, makith hym a liere; for he bileueth not in the witnessing, that God witnesside of his sone.

And this is the witnessyng, for God yaf to you euerlastinge lijf, and this lijf is in his sone.

And this is the trist which we han to God, that what euer thing we axen aftir his wille, he schal here vs.

He that woot that his brother synneth a synne not to deth, axe he, and lijf schal be youun to hym that synneth not to deth. Ther is a synne to deth; `not for it Y seie, that ony man preie.

And this is charite, that we walke after his maundementis. For this is the comaundement, that as ye herden at the bigynnyng, walke ye in hym.

For thei wenten forth for his name, and token no thing of hethene men.