Study Desk

A man that etith a thing deed bi it silf, ethir takun of a beeste, as wel of men borun in the lond, as of comelyngis, he schal waische hise clothis and hym silf in watir, and he schal be `defoulid til to euentid; and by this ordre he schal be maad cleene; that if he waischith not his clothis,

ether his bodi, he schal bere his wickidnesse.

Ech man schal not neiy to the nyy womman of his blood, that he schewe `the filthe of hir; Y am the Lord.

Thou schalt not shewe the filthe of the brothir of thi fadir, nethir thou schalt neiye to his wijf, which is ioyned to thee bi affinyte.

Thou schalt not schewe the filthe of thi sones wijf, for sche is the wijf of thi sone, nether thou schalt diskiuere hir schenschip; and no man take his brotheris wijf.

Ech man that doith ony thing of these abhomynaciouns, schal perische fro the myddis of his puple.

Ech man drede his fadir and his modir. Kepe ye my sabatis; Y am youre Lord God.

If ony man etith therof aftir twei daes, he schal be vnhooli, and gilti of vnfeithfulnes `ether wickidnesse; and he schal bere his wickidnesse,

for he defoulide the hooli thing of the Lord, and his soule schal perische fro his puple.

Ye schulen not do thefte. Ye schulen not lye, and no man disseyue his neiybour.

Sotheli the man for his trespas schal offre a ram to the Lord, at the dore of the tabernacle of witnessyng;

and the preest schal preye for hym, and for his trespas, bifor the Lord; and the Lord schal be merciful to hym, and the synne schal be foryouun.

Speke thou these thingis to the sones of Israel, If eny man of the sones of Israel, and of the comelyngis that dwellen in Israel, yyueth of his seed to the ydol Moloch, die he bi deeth; the puple of the lond schal stone him.

And Y schal sette faste my face ayens hym, and Y schal kitte awei him fro the myddis of my puple, for he yaf of his seed to Moloch, and defoulide my seyntuarie, and defoulide myn hooli name.

That if the puple of the lond is necgligent, and as litil chargynge myn heeste, and suffrith the man that yaf of his seed to Moloch, nether wole sle hym, Y schal sette my face on that man,

and his kynrede, and Y schal kitte doun hym, and alle that consentiden to him, that thei schulden do fornycacioun with Moloch, fro the myddis of her puple.

He that cursith his fadir, ether modir, die bi deeth; if a man cursith fadir and modir, his blood be on hym.

If a man doith leccherie with `the wijf of another man, and doith auowtrie with `the wijf of his neiybore, bothe auowter and auowtresse die bi deeth.

If a man slepith with hys stepdamme, and schewith `the schenschip of his fadir, bothe die bi deeth; her blood be on hem.

If ony man slepith with `his sones wijf, euer either die, for thei han wrouyt greet synne; her blood be on hem.