Study Desk

For oure herte schal be glad in him; and we schulen haue hope in his hooli name.

The title of the thre and thrittithe salm. To Dauid, whanne he chaungide his mouth bifor Abymalech, and he `droof out Dauid, `and he yede forth. I schal blesse the Lord in al tyme; euere his heriyng is in my mouth.

Magnyfie ye the Lord with me; and enhaunse we his name into it silf.

But my soule schal fulli haue ioye in the Lord; and schal delite on his helthe.

Alle my boonys schulen seie, Lord, who is lijk thee? Thou delyuerist a pore man fro the hond of his strengere; a nedi man and pore fro hem that diuersely rauischen hym.

Haue thei ful ioie, and be thei glad that wolen my riytfulnesse; and seie thei euere, The Lord be magnyfied, whiche wolen the pees of his seruaunt.

For he dide gilefuli in the siyt of God; that his wickidnesse be foundun to hatrede.

The wordis of his mouth ben wickidnesse and gile, he nolde vndirstonde to do wel.

He thouyte wickidnesse in his bed, he stood nyy al weie not good; forsothe he hatide not malice.

be thou suget to the Lord, and preye thou hym. Nile thou sue hym, that hath prosperite in his weie; a man doynge vnriytfulnessis.

And yit a litil, and a synnere schal not be; and thou schalt seke his place, and schalt not fynde.

But the Lord schal scorne the synnere; for he biholdith that his day cometh.

The goyng of a man schal be dressid anentis the Lord; and he schal wilne his weie.

Whanne he fallith, he schal not be hurtlid doun; for the Lord vndursettith his hond.

I was yongere, and sotheli Y wexide eld, and Y siy not a iust man forsakun; nethir his seed sekynge breed.

Al dai he hath merci, and leeneth; and his seed schal be in blessyng.

The mouth of a iust man schal bithenke wisdom; and his tunge schal speke doom.

The lawe of his God is in his herte; and hise steppis schulen not be disseyued.

Abide thou the Lord, and kepe thou his weie, and he schal enhaunse thee, that bi eritage thou take the lond; whanne synneris schulen perische, thou schalt se.

And Y passide, and lo! he was not; Y souyte hym, and his place is not foundun.