Study Desk

God is in his hooli place; God that makith men of o wille to dwelle in the hous. Which leedith out bi strengthe hem that ben boundun; in lijk maner hem that maken scharp, that dwellen in sepulcris.

Singe ye to God; that stiede on the heuene of heuene at the eest. Lo! he schal yyue to his vois the vois of vertu, yyue ye glorie to God on Israel;

his greet doyng and his vertu is in the cloudis.

God is wondirful in hise seyntis; God of Israel, he schal yyue vertu, and strengthe to his puple; blessid be God.

The tempest of watir drenche not me, nethir the depthe swolowe me; nethir the pit make streit his mouth on me.

And the seed of hise seruauntis schal haue it in possessioun; and thei that louen his name, schulen dwelle ther ynne.

His name be blessid in to worldis; his name dwelle bifore the sunne. And all the lynagis of erthe schulen be blessid in hym; alle folkis schulen magnyfie hym.

Blessid be the name of his maieste with outen ende; and al erthe schal be fillid with his maieste; be it doon, be it doon.

The title of the fyue and seuentithe salm. To the victorie in orguns, `the salm of the song of Asaph. God is knowun in Judee; his name is greet in Israel.

And his place is maad in pees; and his dwellyng is in Syon.

Ethir schal he kitte awei his merci into the ende; fro generacioun in to generacioun?

Ethir schal God foryete to do mercy; ethir schal he withholde his mercies in his ire?

Lest thei be maad a schrewid generacioun; and terrynge to wraththe, as the fadris of hem. A generacioun that dresside not his herte; and his spirit was not bileued with God.

Thei kepten not the testament of God; and thei nolden go in his lawe.

For he smoot a stoon, and watris flowiden; and streemys yeden out in aboundaunce. Whether also he may yyue breed; ether make redi a bord to his puple?

For thei bileueden not in God; nether hopiden in his heelthe.

He turnede ouere the south wynde fro heuene; and he brouyte in bi his vertu the weste wynde.

Forsothe the herte of hem was not riytful with hym; nethir thei weren had feithful in his testament.

But he is merciful, and he schal be maad merciful to the synnes of hem; and he schal not destrie hem. And he dide greetli, to turne awei his yre; and he kyndelide not al his ire.

Thei bithouyten not on his hond; in the dai in the which he ayen bouyte hem fro the hond of the trobler.