Study Desk

But Y as a deef man herde not; and as a doumb man not openynge his mouth.

And Y am maad as a man not herynge; and not hauynge repreuyngis in his mouth.

Fro the strengthe of thin hond Y failide in blamyngis; for wickidnesse thou hast chastisid man. And thou madist his lijf to faile as an yreyne; netheles ech man is disturblid in veyn.

Blessid is the man, of whom the name of the Lord is his hope; and he bihelde not in to vanitees, and in to false woodnesses.

The Lord kepe hym, and quykene hym, and make hym blesful in the lond; and bitake not hym in to the wille of his enemyes.

The Lord bere help to hym on the bed of his sorewe; thou hast ofte turned al his bed stre in his sijknesse.

Myn enemyes seiden yuels to me; Whanne schal he die, and his name schal perische?

And if he entride for to se, he spak veyn thingis; his herte gaderide wickidnesse to hym silf.

The Lord sente his merci in the dai; and his song in the nyyt.

The feersnesse of flood makith glad the citee of God; the hiyeste God hath halewid his tabernacle.

Hethene men weren disturblid togidere, and rewmes weren bowid doun; God yaf his vois, the erthe was moued.

He chees his eritage to vs; the fairnesse of Jacob, whom he louyde.

God schal regne on hethene men; God sittith on his hooli seete.

A brother ayenbieth not, schal a man ayenbie? and he schal not yyue to God his plesyng.

And he schal not yyue the prijs of raunsum of his soule; and he schal trauele with outen ende,

Drede thou not, whanne a man is maad riche; and the glorie of his hows is multiplied.

For whanne he schal die, he schal not take alle thingis; and his glorie schal not go doun with him.

For his soule schal be blessid in his lijf; he schal knouleche to thee, whanne thou hast do wel to hym.

fro the risynge of the sunne til to the goyng doun. The schap of his fairnesse fro Syon,

God schal come opynli; oure God, and he schal not be stille. Fier schal brenne an hiye in his siyt; and a strong tempest in his cumpas.