Study Desk

He sente in to hem the ire of his indignacioun; indignacioun, and ire, and tribulacioun, sendingis in bi iuel aungels.

He made weie to the path of his ire, and he sparide not fro the deth of her lyues; and he closide togidere in deth the beestis of hem.

And he took awei his puple as scheep; and he ledde hem forth as a flok in desert.

And he brouyte hem in to the hil of his halewyng; in to the hil which his riythond gat. And he castide out hethene men fro the face of hem; and bi lot he departide to hem the lond in a cord of delyng.

And he puttide awei the tabernacle of Sylo; his tabernacle where he dwellide among men.

And he closide togidere his puple in swerd; and he dispiside his erytage.

And he as an vnicorn bildide his hooli place; in the lond, which he foundide in to worldis.

And he chees Dauid his seruaunt, and took hym vp fro the flockis of scheep; he took hym fro bihynde scheep with lambren.

To feed Jacob his seruaunt; and Israel his eritage.

And he fedde hem in the innocens of his herte; and he ledde hem forth in the vndurstondyngis of his hondis.

For thei eeten Jacob; and maden desolat his place.

He turnede a wei his bak fro birthens; hise hondis serueden in a coffyn.

Blessid is the man, whos help is of thee; he hath disposid stiyngis in his herte,

I schal here what the Lord God schal speke in me; for he schal speke pees on his puple. And on hise hooli men; and on hem that ben turned to herte.

Netheles his helthe is niy men dredynge him; that glorie dwelle in oure lond.

For the Lord schal yyue benignyte; and oure erthe schal yyue his fruyt.

God, which is glorified in the counsel of seyntis; is greet, and dreedful ouere alle that ben in his cumpas.

And Y schal sle hise enemyes fro his face; and Y schal turne in to fliyt hem that haten hym.

And my treuthe and mercy schal be with him; and his horn schal be enhaunsid in my name.

And Y schal sette his hond in the see; and his riyt hoond in flodis.