Study Desk

for he cometh to deme the erthe. He schal deme the world in equite; and puplis in his treuthe.

Cloude and derknesse in his cumpas; riytfulnesse and doom is amending of his seete.

Heuenes telden his riytfulnesse; and alle puplis sien his glorie.

Juste men, be ye glad in the Lord; and knouleche ye to the mynde of his halewyng.

The seuen and nyntithe salm hath no title. Singe ye a newe song to the Lord; for he hath do merueils. His riyt hond and his hooli arm; hath maad heelthe to hym.

The Lord hath maad knowun his heelthe; in the siyt of hethene men he hath schewid his riytfulnesse.

He bithouyte on his merci; and on his treuthe, to the hous of Israel. Alle the endis of erthe; sien the heelthe of oure God.

Moises and Aaron weren among hise preestis; and Samuel was among hem that inwardli clepen his name. Thei inwardli clepiden the Lord, and he herde hem;

Enhaunse ye oure Lord God, and worschipe ye in his hooli hil; for oure Lord God is hooli.

Al erthe, singe ye hertli to God; serue ye the Lord in gladnesse. Entre ye in his siyt; in ful out ioiyng.

Wite ye, that the Lord hym silf is God; he made vs, and not we maden vs. His puple, and the scheep of his lesewe,

Herye ye his name, for the Lord is swete, his merci is with outen ende; and his treuthe is in generacioun and in to generacioun.

I pursuede hym; that bacbitide priueli his neiybore. With the proude iye and an herte vnable to be fillid; Y eet not with this.

The title of the `hundrid and o salm. The preier of a pore man, whanne he was angwishid, and schedde out his speche bifore the Lord. Lord, here thou my preier; and my crie come to thee.

For the Lord hath bildid Sion; and he schal be seen in his glorie.

For he bihelde fro his hiye hooli place; the Lord lokide fro heuene in to erthe.

That thei telle in Sion the name of the Lord; and his preising in Jerusalem.

It answeride to hym in the weie of his vertu; Telle thou to me the fewnesse of my daies.

The title of `hundred and secounde salm. `Of Dauid. Mi soule, blesse thou the Lord; and alle thingis that ben with ynne me, blesse his hooli name.

For bi the hiynesse of heuene fro erthe; he made strong his merci on men dredynge hym.