Study Desk

And God encreesside his puple greetli; and made hym stidefast on hise enemyes.

He turnede the herte of hem, that thei hatiden his puple; and diden gile ayens hise seruauntis.

He sent Moises, his seruaunt; thilke Aaron, whom he chees.

For he was myndeful of his hooli word; which he hadde to Abraham, his child.

And he ledde out his puple in ful out ioiyng; and hise chosun men in gladnesse.

That thei kepe hise iustifiyngis; and seke his lawe.

The `title of the hundrid and fifthe salm. Alleluya. Kouleche ye to the Lord, for he is good; for his mercy is with outen ende.

and he sauede hem for his name, that `he schulde make knowun his power.

Thei hadden `soone do, thei foryaten hise werkis; and thei abididen not his councel.

And God seide, that he wolde leese hem; if Moises, his chosun man, hadde not stonde in the brekyng of his siyt. That he schulde turne awei his ire; lest he loste hem.

And thei hadden the desirable lond for nouyt, thei bileueden not to his word, and thei grutchiden in her tabernaclis;

And he reiside his hond on hem; to caste doun hem in desert.

And thei wraththiden God at the watris of ayenseiyng; and Moises was trauelid for hem, for thei maden bittere his spirit,

and he departide in his lippis.

And the Lord was wrooth bi strong veniaunce ayens his puple; and hadde abhominacioun of his eritage.

And he was myndeful of his testament; and it repentide hym bi the multitude of his merci.

The `title of the hundrid and sixte salm. Alleluya. Knouleche ye to the Lord, for he is good; for his merci is in to the world.

He sente his word, and heelide hem; and delyuerede hem fro the perischingis of hem.

Riytful men schulen se, and schulen be glad; and al wickidnesse schal stoppe his mouth.

That thi derlingis be delyuerid, make thou saaf with thi riythond, and here me; God spak in his hooli.