Study Desk

For the Lord schal deme his puple; and he schal be preied in hise seruauntis.

The title of the hundrid and fyue and thrittithe salm. Alleluya. Knouleche ye to the Lord, for he is good, for his merci is withouten ende.

And he `caste a down Farao and his pouer in the reed see.

Which ledde ouer his puple thoruy desert.

Eritage to Israel, his seruaunt.

Knouleche ye to the Lord of lordis; for his merci is with outen ende.

The `title of the hundrid and oon and fourtithe salm. The lernyng of Dauid; `his preier, `whanne he was in the denne. With my vois Y criede to the Lord; with my vois Y preiede hertli to the Lord.

I schede out my preier in his siyt; and Y pronounce my tribulacioun bifor him.

The Lord is greet, and worthi to be preisid ful myche; and noon ende is of his greetnesse.

Mi mouth schal speke the heriyng of the Lord; and ech man blesse his hooli name in to the world, and in to the world of world.

The spirit of hym schal go out, and he schal turne ayen in to his erthe; in that dai alle the thouytis of hem schulen perische.

He is blessid, of whom the God of Jacob is his helpere, his hope is in his Lord God, that made heuene and erthe;

Oure Lord is greet, and his vertu is greet; and of his wisdom is no noumbre.

It is wel plesaunt to the Lord on men that dreden hym; and in hem that hopen on his mercy.

Which sendith out his speche to the erthe; his word renneth swiftli.

He sendith his cristal as mussels; who schal suffre bifore the face of his cooldnesse?

He schal sende out his word, and schal melte tho; his spirit schal blowe, and watris schulen flowe.

Which tellith his word to Jacob; and hise riytfulnessis and domes to Israel.

Fier, hail, snow, iys, spiritis of tempestis; that don his word.

His knouleching be on heuene and erthe; and he hath enhaunsid the horn of his puple. An ympne be to alle hise seyntis; to the children of Israel, to a puple neiyynge to hym.