Study Desk

Ordeyne thou a synner on him; and the deuel stonde on his riyt half.

Whanne he is demed, go he out condempned; and his preier `be maad in to synne.

Hise daies be maad fewe; and another take his bischopriche.

Hise sones be maad faderles; and his wijf a widewe.

An vsurere seke al his catel; and aliens rauysche hise trauelis.

The wickidnesse of hise fadris come ayen in to mynde in the siyt of the Lord; and the synne of his modir be not don awei.

The Lord on thi riyt side; hath broke kyngis in the dai of his veniaunce.

His werk is knoulechyng and grete doyng; and his riytfulnesse dwellith in to the world of world.

he hath youe meete to men dredynge hym. He schal be myndeful of his testament in to the world;

he schal telle to his puple the vertu of hise werkis.

The Lord sente redempcioun to hys puple; he comaundide his testament with outen ende. His name is hooli and dreedful;

the bigynnyng of wisdom is the drede of the Lord. Good vndirstondyng is to alle that doen it; his preising dwellith in to the world of world.

His seed schal be myyti in erthe; the generacioun of riytful men schal be blessid.

Glorie and richessis ben in his hous; and his riytfulnesse dwellith in to the world of world.

A iust man schal be in euerlastinge mynde; he schal not drede of an yuel heryng. His herte is redi for to hope in the Lord;

his herte is confermed, he schal not be moued, til he dispise hise enemyes.

He spredde abrood, he yaf to pore men; his riytwisnesse dwellith in to the world of world; his horn schal be reisid in glorie.

The Lord is hiy aboue alle folkis; and his glorie is aboue heuenes.

That he sette hym with princes; with the princes of his puple.

For he bowide doun his eere to me; and Y schal inwardli clepe in my daies.