Study Desk

Be thou to me in to God a defendere; and in to a strengthid place, that thou make me saaf. For thou art my stidefastnesse; and my refuit.

For thou, Lord, art my pacience; Lord, thou art myn hope fro my yongthe.

For myn enemyes seiden of me; and thei that kepten my lijf maden counsel togidere.

Seiynge, God hath forsake hym; pursue ye, and take hym; for noon is that schal delyuere.

Mi mouth schal telle thi riytfulnesse; al dai thin helthe. For Y knewe not lettrure, Y schal entre in to the poweres of the Lord;

For whi and Y schal knowleche to thee, thou God, thi treuthe in the instrumentis of salm; Y schal synge in an harpe to thee, that art the hooli of Israel.

For he schal delyuer a pore man fro the miyti; and a pore man to whom was noon helpere.

For Y louede feruentli on wickid men; seynge the pees of synneris.

For biholdyng is not to the deth of hem; and stidefastnesse in the sikenesse of hem.

Netheles for gilis thou hast put to hem; thou castidist hem doun, while thei weren reisid.

Hou ben thei maad into desolacioun; thei failiden sodeynli, thei perischiden for her wickidnesse.

For myn herte is enflaumed, and my reynes ben chaungid;

For whi what is to me in heuene; and what wolde Y of thee on erthe?

For lo! thei that drawen awei fer hem silf fro thee, `bi deedli synne, schulen perische; thou hast lost alle men that doen fornycacioun fro thee.

Biholde in to thi testament; for thei that ben maad derk of erthe, ben fillid with the housis of wickidnessis.

For nether fro the eest, nethir fro the west, nethir fro desert hillis; for God is the iuge.

He mekith this man, and enhaunsith hym; for a cuppe of cleene wyn ful of meddling is in the hoond of the Lord.

Thei that stieden on horsis; slepten for thi blamyng, thou God of Jacob.

For the thouyt of man schal knouleche to thee; and the relifs of thouyt schulen make a feeste dai to thee.

I hadde mynde on the werkis of the Lord; for Y schal haue mynde fro the bigynnyng of thi merueilis.