Study Desk

But he that synneth ayens me, schal hurte his soule; alle that haten me, louen deeth.

he offride his slayn sacrifices, he medlide wijn, and settide forth his table.

The parablis of Salomon. A wijs sone makith glad the fadir; but a fonned sone is the sorewe of his modir.

The catel of a riche man is the citee of his strengthe; the drede of pore men is the nedynesse of hem.

A gileful balaunce is abhominacioun anentis God; and an euene weiyte is his wille.

The riytfulnesse of a simple man schal dresse his weie; and a wickid man schal falle in his wickidnesse.

A feynere bi mouth disseyueth his freend; but iust men schulen be deliuered bi kunnyng.

He that dispisith his freend, is nedi in herte; but a prudent man schal be stille.

A merciful man doith wel to his soule; but he that is cruel, castith awei, yhe, kynnesmen.

A schrewid herte is abhomynable to the Lord; and his wille is in hem, that goen symply.

He that disturblith his hows, schal haue wyndis in possessioun; and he that is a fool, schal serue a wijs man.

A man schal be knowun bi his teching; but he that is veyn and hertles, schal be open to dispising.

He that worchith his lond, schal be fillid with looues; but he that sueth idilnesse, is moost fool. He that is swete, lyueth in temperaunces; and in hise monestyngis he forsakith dispisyngis.

Of the fruyt of his mouth ech man schal be fillid with goodis; and bi the werkis of hise hondis it schal be yoldun to him.

A fool schewith anoon his ire; but he that dissymelith wrongis, is wijs.

A man schal be fillid with goodis of the fruit of his mouth; but the soule of vnpitouse men is wickid.

He that kepith his mouth, kepith his soule; but he that is vnwar to speke, schal feel yuels.

He that sparith the yerde, hatith his sone; but he that loueth him, techith bisili.

A iust man etith, and fillith his soule; but the wombe of wickid men is vnable to be fillid.

The wisdom of a fel man is to vndirstonde his weie; and the vnwarnesse of foolis errith.