Study Desk

I schal here what the Lord God schal speke in me; for he schal speke pees on his puple. And on hise hooli men; and on hem that ben turned to herte.

For the Lord schal yyue benignyte; and oure erthe schal yyue his fruyt.

The `title of the fyue and eiytetithe salm. The preier of Dauid. Lord, bowe doun thin eere, and here me; for Y am nedi and pore.

Kepe thou my lijf, for Y am holi; my God, make thou saaf thi seruaunt hopynge in thee.

Lord, haue thou merci on me, for Y criede al day to thee;

make thou glad the soule of thi seruaunt, for whi, Lord, Y haue reisid my soule to thee.

For thou, Lord, art swete and mylde; and of myche merci to alle men inwardli clepynge thee.

In the dai of my tribulacioun Y criede to thee; for thou herdist me.

For thou art ful greet, and makinge merueils; thou art God aloone.

For thi merci is greet on me; and thou deliueridist my soule fro the lower helle.

Make thou with me a signe in good, that thei se, that haten me, and be aschamed; for thou, Lord, hast helpid me, and hast coumfortid me.

The title of the seuene and eiytetithe salm. The song of salm, to the sones of Chore, to victorie on Mahalat, for to answere, the lernyng of Heman Ezraite. Lord God of myn helthe; Y criede in dai and nyyt bifore thee.

For my soule is fillid with yuels; and my lijf neiyede to helle.

myn iyen weren sijk for pouert. Lord, Y criede to thee; al dai Y spredde abrood myn hondis to thee.

For thou seidist, With outen ende merci schal be bildid in heuenes; thi treuthe schal be maad redi in tho.

For who in the cloudis schal be maad euene to the Lord; schal be lijk God among the sones of God?

For thou art the glorie of the vertu of hem; and in thi good plesaunce oure horn schal be enhaunsid.

For oure takyng vp is of the Lord; and of the hooli of Israel oure kyng.

For myn hond schal helpe him; and myn arm schal conferme hym.

The enemye schal no thing profite in him; and the sone of wickidnesse schal not `ley to, for to anoye him.