Study Desk

Fro the face of the ire of thin indignacioun; for thou reisinge me hast hurtlid me doun.

Lord, thou risinge vp schalt haue merci on Sion; for the tyme `to haue merci therof cometh, for the tyme cometh.

For the stones therof plesiden thi seruauntis; and thei schulen haue merci on the lond therof.

For the Lord hath bildid Sion; and he schal be seen in his glorie.

For he bihelde fro his hiye hooli place; the Lord lokide fro heuene in to erthe.

For to here the weilingis of feterid men; and for to vnbynde the sones of slayn men.

For bi the hiynesse of heuene fro erthe; he made strong his merci on men dredynge hym.

for he knewe oure makyng.

For the spirit schal passe in hym, and schal not abide; and schal no more knowe his place.

Thou hast set a terme, which tho schulen not passe; nether tho schulen be turned, for to hile the erthe.

Liouns whelpis rorynge for to rauysche; and to seke of God meete to hem silf.

schippis schulen passe there. This dragoun which thou hast formyd; for to scorne hym.

He lefte not a man to anoye hem; and he chastiside kyngis for hem.

Egipt was glad in the goyng forth of hem; for the drede of hem lai on Egipcians.

For he was myndeful of his hooli word; which he hadde to Abraham, his child.

The `title of the hundrid and fifthe salm. Alleluya. Kouleche ye to the Lord, for he is good; for his mercy is with outen ende.

and he sauede hem for his name, that `he schulde make knowun his power.

And thei hadden the desirable lond for nouyt, thei bileueden not to his word, and thei grutchiden in her tabernaclis;

And thei wraththiden God at the watris of ayenseiyng; and Moises was trauelid for hem, for thei maden bittere his spirit,

The `title of the hundrid and sixte salm. Alleluya. Knouleche ye to the Lord, for he is good; for his merci is in to the world.