Study Desk

For alle the endis of erthe ben in his hond; and the hiynesses of hillis ben hise.

For the see is his, and he made it; and hise hondis formeden the drie lond.

for he is oure Lord God. And we ben the puple of his lesewe; and the scheep of his hond.

For the Lord is greet, and worthi to be preisid ful myche; he is ferdful aboue alle goddis.

For alle the goddis of hethene men ben feendis; but the Lord made heuenes.

and alle thingis that ben in tho. Thanne alle the trees of wodis schulen make ful out ioye, for the face of the Lord, for he cometh;

for he cometh to deme the erthe. He schal deme the world in equite; and puplis in his treuthe.

Sion herde, and was glad, and the douytris of Juda maden ful out ioye; for `thi domes, Lord.

For thou, Lord, art the hiyeste on al erthe; thou art greetli enhaunsid ouere alle goddis.

The seuen and nyntithe salm hath no title. Singe ye a newe song to the Lord; for he hath do merueils. His riyt hond and his hooli arm; hath maad heelthe to hym.

Flodis schulen make ioie with hond, togidere hillis schulen make ful out ioye, for siyt of the Lord;

for he cometh to deme the erthe. He schal deme the world in riytfulnesse; and puplis in equite.

Knouleche thei to thi greet name, for it is ferdful and hooli;

Enhaunse ye oure Lord God; and worschipe ye the stool of hise feet, for it is hooli.

Enhaunse ye oure Lord God, and worschipe ye in his hooli hil; for oure Lord God is hooli.

The titil of the nyne and nyntithe salm. `A salm to knouleche; `in Ebrew `thus, A salm for knouleching.

Herye ye his name, for the Lord is swete, his merci is with outen ende; and his treuthe is in generacioun and in to generacioun.

For my daies han failid as smoke; and my boonus han dried vp as critouns.

I am smytun as hei, and myn herte dried vp; for Y haue foryete to eete my breed.

For Y eet aschis as breed; and Y meddlide my drinke with weping.