Study Desk

And whanne thei weren not yit borun, nether hadden don ony thing of good ether of yuel, that the purpos of God schulde dwelle bi eleccioun,

not of werkis, but of God clepynge, it was seid to hym,

What therfor schulen we seie? Whether wickidnesse be anentis God?

God forbede. For he seith to Moyses, Y schal haue merci on whom Y haue merci; and Y schal yyue merci on whom Y schal haue merci.

Therfor it is not nether of man willynge, nethir rennynge, but of God hauynge mercy.

Therfor of whom God wole, he hath merci; and whom he wole, he endurith.

O! man, who art thou, that answerist to God? Whether a maad thing seith to hym that made it, What hast thou maad me so?

That if God willynge to schewe his wraththe, and to make his power knowun, hath suffrid in greet pacience vessels of wraththe able in to deth,

and it schal be in the place, where it is seid to hem, Not ye my puple, there thei schulen be clepid the sones of `God lyuynge.

And as Ysaye bifor seide, But God of oostis hadde left to vs seed, we hadden be maad as Sodom, and we hadden be lijk as Gommor.

Britheren, the wille of myn herte and mi biseching is maad to God for hem in to helthe.

But Y bere witnessyng to hem, that thei han loue of God, but not aftir kunnyng.

For thei vnknowynge Goddis riytwisnesse, and sekynge to make stidefast her owne riytfulnesse, ben not suget to the riytwisnesse of God.

That if thou knoulechist in thi mouth the Lord Jhesu Crist, and bileuest in thin herte, that God reiside hym fro deth, thou schalt be saaf.

Therfor Y seie, Whether God hath put awei his puple? God forbede. For Y am an Israelite, of the seed of Abraham, of the lynage of Beniamyn.

God hath not put awei his puple, which he bifor knew. Whether ye witen not, what the scripture seith in Elie? Hou he preieth God ayens Israel,

So therfor also in this tyme, the relifs ben maad saaf, bi the chesyng of the grace of God.

And if it be bi the grace of God, it is not now of werkis; ellis grace is not now grace.

As it is writun, God yaf to hem a spirit of compunccioun, iyen that thei se not, and eeris, that thei here not, in to this dai.

Therfor Y seie, Whether thei offendiden so, that thei schulden falle doun? God forbede. But bi the gilt of hem helthe is maad to hethene men, that thei sue hem.