Study Desk

`A trewe God, bi whom ye ben clepid in to the felouschipe of his sone Jhesu Crist oure Lord.

Y do thankyngis to my God, that Y baptiside noon of you, but Crispus and Gayus;

For the word of the cros is foli to hem that perischen; but to hem that ben maad saaf, that is to seie, to vs, it is the vertu of God.

Where is the wise man? where is the wise lawiere? where is the purchasour of this world? Whether God hath not maad the wisdom of this world fonned?

For the world in wisdom of God knewe not God bi wisdom, it pleside to God, bi foli of prechyng, `to maken hem saaf that bileueden.

but to tho Jewis and Grekis that ben clepid, we prechen Crist the vertu of God and the wisdom of God.

For that that is foli thing of God, is wiser than men; and that that is the feble thing of God, is strengere than men.

But God chees tho thingis that ben fonned of the world, to confounde wise men;

and God chees the feble thingis of the world, to confounde the stronge thingis; and God chees the vnnoble thingis `and dispisable thingis of the world, and tho thingis that ben not, to distruye tho thingis that ben;

But of hym ye ben in Crist Jhesu, which is maad of God to vs wisdom, and riytwisnesse, and holynesse, and ayenbiyng; that,

that youre feith be not in the wisdom of men, but in the vertu of God.

but we speken the wisdom of God in mysterie, `which wisdom is hid; which wisdom God bifor ordeynede bifor worldis in to oure glorie,

But as it is writun, That iye say not, ne eere herde, nether it stiede in to herte of man, what thingis God arayede to hem that louen hym;

but God schewide to vs bi his spirit. For whi the spirit serchith alle thingis, yhe, the depe thingis of God.

And who of men woot, what thingis ben of man, but the spirit of man that is in hym? So what thingis ben of God, no man knowith, but the spirit of God.

And we han not resseiued the spirit of this world, but the spirit that is of God, that we wite what thingis ben youun to vs of God.

For a beestli man perseyueth not tho thingis that ben of the spirit of God; for it is foli to hym, and he may not vndurstonde, for it is examyned goostli.

Thei ben mynystris of hym, to whom ye han bileuyd; and to ech man as God hath youun.

Y plauntide, Apollo moystide, but God yaf encreessyng.

Therfor nether he that plauntith is ony thing, nethir he that moistith, but God that yiueth encreessyng.