Study Desk

For we ben the helperis of God; ye ben the erthetiliyng of God, ye ben the bildyng of God.

Aftir the grace `of God that is youun to me, as a wise maistir carpenter Y settide the foundement; and another bildith aboue. But ech man se, hou he bildith aboue.

Witen ye not, that ye ben the temple of God, and the spirit of God dwellith in you?

And if ony defoulith the temple of God, God schal leese hym; for the temple of God is hooli, which ye ben.

For the wisdom of this world is foli anentis God; for it is writun, Y schal catche wise men in her fel wisdom;

and ye ben of Crist, and Crist is of God.

So a man gesse vs, as mynystris of Crist, and dispenderis of the mynysteries of God.

Therfor nyle ye deme bifore the tyme, til that the Lord come, which schal liytne the hyd thingis of derknessis, and schal schewe the counseils of hertis; and thanne preisyng schal be to ech man of God.

And Y gesse, that God schewide vs the laste apostlis, as thilke that ben sent to the deth; for we ben maad a spectacle to the world, and to aungels, and to men.

but Y schal come to you soone, if God wole; and Y schal knowe not the word of hem that ben blowun with pride, but the vertu.

For the rewme of God is not in word, but in vertu.

For God schal deme hem that ben withouten forth. Do ye awei yuel fro you silf.

Whether ye witen not, that wickid men schulen not welde the kyngdom of God? Nyle ye erre; nethir letchours, nether men that seruen mawmetis, nether auouteris,

nether letchouris ayen kynde, nether thei that doon letcheri with men, nether theues, nether auerouse men, nethir `ful of drunkenesse, nether curseris, nether rauenours, schulen welde the kyngdom of God.

And ye weren sum tyme these thingis; but ye ben waischun, but ye ben halewid, but ye ben iustefied in the name of oure Lord Jhesu Crist, and in the spirit of oure God.

Mete to the wombe, and the wombe to metis; and God schal distruye bothe this and that. And the bodi not to fornycacioun, but to the Lord, and the Lord to the bodi.

For God reiside the Lord, and schal reise vs bi his vertu.

Witen ye not, that youre bodies ben membris of Crist? Schal Y thanne take the membris of Crist, and schal Y make the membris of an hoore? God forbede.

Whether ye witen not, that youre membris ben the temple of the Hooli Goost, that is in you, whom ye han of God, and ye ben not youre owne?

For ye ben bouyt with greet prijs. Glorifie ye, and bere ye God in youre bodi.