Study Desk

But it bihoueth hym to regne, til he putte alle hise enemyes vndur hise feet.

Awake ye, iuste men, and nyle ye do synne; for summen han ignoraunce of God, but to reuerence Y speke to you.

But summan seith, Hou schulen deed men rise ayen, or in what maner bodi schulen thei come?

Vnwise man, that thing that thou sowist, is not quykened, but it die first;

and that thing that thou sowist, `thou sowist not the bodi that is to come, but a nakid corn, as of whete, or of summe othere seedis;

Not ech fleisch is the same fleisch, but oon is of men, another is of beestis, another is of briddis, an othere of fischis.

And `heuenli bodies ben, and `ertheli bodies ben; but oon glorie is of heuenely bodies, and anothir is of ertheli.

But the firste is not that that is spiritual, but that that is beestlich, aftirward that that is spiritual.

Lo! Y seie to you priuyte of hooli thingis. And alle we schulen rise ayen, but not alle we schulen be chaungid;

But whanne this deedli thing schal clothe vndeedlynesse, thanne schal the word be doon, that is writun, Deth is sopun vp in victorie.

But the pricke of deth is synne; and the vertu of synne is the lawe.

But do we thankyngis to God, that yaf to vs victorie bi oure Lord Jhesu Crist.

But of the gaderyngis of money that ben maad in to seyntis, as Y ordeynede in the chirchis of Galathie, so also do ye o dai of the wouke.

But Y schal come to you, whanne Y schal passe bi Macedonye; for whi Y schal passe bi Macedonye.

But perauenture Y schal dwelle at you, or also dwelle the wynter, that and ye lede me whidir euere Y schal go.

But Y schal dwelle at Efesi, `til to Witsuntide.

Therfor no man dispise hym; but lede ye hym forth in pees, that he come to me; for Y abide hym with britheren.

But, britheren, Y make knowun to you of Apollo, that Y preiede him myche, that he schulde come to you, with britheren. But it was not his wille to come now; but he schal come, whanne he schal haue leiser.

But we in vs silf hadden answere of deth, that we truste not in vs, but in God that reisith deed men.

For oure glorie is this, the witnessyng of oure conscience, that in symplenesse and clennesse of God, and not in fleischli wisdom, but in the grace of God, we lyueden in this world, but more plenteuousli to you.