Study Desk

But whanne Y wolde this thing, whether Y vside vnstidfastnesse, ether tho thingis that Y thenke, Y thenke aftir the fleisch, that at me be, it is and it is not?

But God is trewe, for oure word that was at you is and is not, is not ther ynne, but is is in it.

For whi Jhesus Crist, the sone of God, which is prechid among you bi vs, bi me, and Syluan, and Tymothe, ther was not in hym is and is not, but is was in hym.

not that we ben lordis of youre feith, but we ben helperis of youre ioye; for thorouy bileue ye stonden.

For if Y make you sori, who is he that gladith me, but he that is soreuful of me?

For of myche tribulacioun and angwisch of herte Y wroot to you by many teeris, not that ye be sori, but that ye wite what charite Y haue more plenteuously in you.

For if ony man hath maad me soreuful, he hath not maad me sorewful but a parti, that Y charge not you alle.

But whanne Y was comun to Troade for the gospel of Crist, and a dore was opened to me in the Lord,

Y hadde not rest to my spirit, for Y foond not my brother Tite, but Y seide to hem farewel, and Y passide in to Macedonye.

To othere sotheli odour of deth in to deth, but to othere we ben odour of lijf in to lijf. And to these thingis who is so able?

For we ben not as many, that don auoutrie bi the word of God, but we speken of clennesse, as of God, bifor God in Crist.

and maad opyn, for ye ben the pistle of Crist mynystrid of vs, and writun, not with enke, but bi the spirit of the lyuynge God; not in stony tablis, but in fleischli tablis of herte.

not that we ben sufficient to thenke ony thing of vs, as of vs, but oure sufficience is of God.

Which also made vs able mynystris of the newe testament, not bi lettre, but bi spirit; for the lettre sleeth, but the spirit quykeneth.

But the wittis of hem ben astonyed; for in to this dai the same veil in reding of the olde testament dwellith not schewid, for it is auoidid in Crist, but in to this dai,

But whanne Israel schal be conuertid to God, the veil schal be don awei.

faile we not, but do we awei the preue thingis of schame, not walkinge in sutil gile, nether doynge auoutrye bi the word of God, but in schewynge of the treuthe comendynge vs silf to ech conscience of men bifor God.

But we prechen not vs silf, but oure Lord Jhesu Crist; and vs youre seruauntis bi Jhesu.

In alle thingis we suffren tribulacioun, but we ben not angwischid, or annoyed; we ben maad pore, but `we lacken nothing; we suffren persecucioun,

but we ben not forsakun; we ben maad lowe, but we ben not confoundid; we ben cast doun, but we perischen not.