Study Desk

But now, britheren, if Y come to you, and speke in langagis, what schal Y profite to you, but if Y speke to you ethir in reuelacioun, ethir in science, ethir in prophecie, ether in techyng?

For tho thingis that ben withouten soule, and yyueth voices, ethir pipe, ether harpe, but tho yyuen distinccioun of sownyngis, hou schal it be knowun that is sungun, ether that that is trumpid?

So but ye yyuen an opyn word bi tunge, hou schal that that is seid be knowun? For ye schulen be spekynge in veyn.

But if Y knowe not the vertu of a vois, Y schal be to hym, to whom Y schal speke, a barbarik; and he that spekith to me, schal be a barbarik.

For thou doist wel thankyngis, but an othir man is not edefied.

but in the chirche Y wole speke fyue wordis in my wit, that also Y teche othere men, than ten thousynde of wordis in tunge.

Britheren, nyle ye be maad children in wittis, but in malice be ye children; but in wittis be ye parfit.

Therfor langagis ben in to tokene, not to feithful men, but to men out of the feith; but prophecies ben not to men out of the feith, but to feithful men.

But if alle men prophecien, if ony vnfeithful man or idiot entre, he is conuyct of alle, he is wiseli demyd of alle.

But if there be not an interpretour, be he stille in the chirche, and speke he to hym silf and to God.

But if ony thing be schewid to a sittere, the formere be stille.

for whi God is not of discencioun, but of pees; as in alle chirchis of hooli men `Y teche.

Wymmen in chirchis be stille; for it is not suffrid to hem to speke, but to be suget, as the lawe seith.

But if thei wolen ony thing lerne, `at home axe thei her hosebondis; for it is foule thing to a womman to speke in chirche.

But be alle thingis don onestli, and bi due ordre in you.

aftirward he was seyn to mo than fyue hundrid britheren togidere, of whiche manye lyuen yit, but summe ben deed; aftirward he was seyn to James,

But bi the grace of God Y am that thing that Y am; and his grace was not voide in me. For Y trauelide more plenteuously than alle thei; but not Y, but the grace of God with me.

But whether Y, or thei, so we han prechid, and so ye han bileuyd.

But now Crist roos ayen fro deth, the firste fruit of deed men;

But ech man in his ordre; the firste fruit, Crist, afterward thei that ben of Crist, that bileueden in the comyng of Crist;