Study Desk

Whether we han enuye to the Lord? whether we ben strengere then he? Alle thingis ben leeueful to me, but not alle thingis ben spedeful.

Alle thingis ben leeueful to me, but not alle thingis edifien.

No man seke that thing that is his owne, but that thing that is of an othere.

But if ony man seith, This thing is offrid to idols, nyle ye ete, for hym that schewide, and for conscience; and Y seie not,

thi conscience, but of an othere. But wherto is my fredom demed of an othere mannus conscience?

as Y bi alle thingis plese to alle men, not sekynge that that is profitable to me, but that that is profitable to manye men, that thei be maad saaf.

But Y wole that ye wite, that Crist is heed of ech man; but the heed of the womman is the man; and the heed of Crist is God.

But ech womman preiynge, or profeciynge, whanne hir heed is not hilid, defoulith hir heed; for it is oon, as if sche were pollid.

But a man schal not hile his heed, for he is the ymage and the glorie of God; but a womman is the glorie of man.

For a man is not of the womman, but the womman of the man.

And the man is not maad for the womman, but the womman for the man.

Forwhi as the womman is of man, so the man is bi the womman; but alle thingis ben of God.

but if a womman nurische longe heer, it is glorie to hir, for heeris ben youun to hir for keueryng.

But if ony man is seyn to be ful of strijf, we han noon siche custom, nethir the chirche of God.

But this thing Y comaunde, not preisynge, that ye comen togidere not in to the betere, but in to the worse.

Whether ye han not housis to ete and drynke, or ye dispisen the chirche of God, and confounden hem that han noon? What schal Y seie to you? Y preise you, but here yn Y preise you not.

But preue a man hym silf, and so ete he of `the ilke breed, and drynke of the cuppe.

but while we ben demyd of the Lord, we ben chastisid, that we be not dampnyd with this world.

But of spiritual thingis, britheren, Y nyle that ye vnknowun.

Therfor Y make knowun to you, that no man spekynge in the spirit of God, seith departyng fro Jhesu; and no man may seie the Lord Jhesu, but in the Hooli Goost.