Study Desk

And dyuerse graces ther ben, but it is al oon Spirit;

and dyuerse seruyces ther ben, but it is al oon Lord; and dyuerse worchingis ther ben,

but `al is oon God, that worchith alle thingis in alle thingis.

For the bodi is not o membre, but manye.

But now God hath set membris, and ech of hem in the bodi, as he wolde.

But now ther ben many membris, but o bodi.

But myche more tho that ben seyn to be the lowere membris of the bodi, ben more nedeful;

For oure oneste membris han nede of noon; but God tempride the bodi, yyuynge more worschip to it, to whom it failide,

that debate be not in the bodi, but that the membris be bisi in to the same thing ech for othere.

But God sette sum men in the chirche, fyrst apostlis, the secunde tyme prophetis, the thridde techeris, aftirward vertues, aftirward graces of heelyngis, helpyngis, gouernails, kyndis of langagis, interpretaciouns of wordis.

But sue ye the betere goostli yiftis. And yit Y schewe to you a more exellent weye.

it ioyeth not on wickidnesse, but it ioieth togidere to treuthe;

but whanne that schal come that is parfit, that thing that is of parti schal be auoidid.

Whanne Y was a litil child, Y spak as a litil child, Y vndurstood as a litil child, Y thouyte as a litil child; but whanne Y was maad a man, Y auoidide tho thingis that weren of a litil child.

And we seen now bi a myrour in derknesse, but thanne face to face; now Y knowe of parti, but thanne Y schal knowe, as Y am knowun.

And now dwellen feith, hope, and charite, these thre; but the most of these is charite.

Sue ye charite, loue ye spiritual thingis, but more that ye prophecien.

And he that spekith in tunge, spekith not to men, but to God; for no man herith. But the spirit spekith mysteries.

He that spekith in tunge, edifieth hym silf; but he that prophecieth, edifieth the chirche of God.

And Y wole, that alle ye speke in tungis, but more that ye prophecie. For he that prophecieth, is more than he that spekith in langagis; but perauenture he expoune, that the chirche take edificacioun.