Study Desk

And Jhesus hadde mercy on hym, and streiyte out his hoond, and towchyde hym, and seide to hym, I wole, be thou maad cleene.

And it was doon, whanne he sat at the mete in his hous, many pupplicans and synful men saten togidere at the mete with Jhesu and hise disciplis; for there weren many that folewiden hym.

And he biheeld hem aboute with wraththe, and hadde sorewe on the blyndnesse of her herte, and seith to the man, Hold forth thin hoond. And he helde forth, and his hoond was restorid to hym.

And whanne his kynnysmen hadden herd, thei wenten out `to holde him; for thei seiden, that he is turned in to woodnesse.

No man may go in to a stronge mannus hous, and take awey hise vessels, but he bynde first the stronge man, and thanne he schal spoile his hous.

And his modir and britheren camen, and thei stoden withoutforth, and senten to hym, and clepiden hym.

And he tauyte hem in parablis many thingis. And he seide to hem in his techyng,

sche cam among the puple bihynde, and touchide his cloth.

For sche seide, That if Y touche yhe his cloth, Y schal be saaf.

And he yede out fro thennus, and wente in to his owne cuntre; and hise disciplis folewiden him.

And whanne the sabat was come, Jhesus bigan to teche in a synagoge. And many herden, and wondriden in his techyng, and seiden, Of whennus to this alle these thingis? and what is the wisdom that is youun to hym, and siche vertues whiche ben maad bi hise hondis?

And Jhesus seide to hem, That a profete is not without onoure, but in his owne cuntrey, and among his kynne, and in his hous.

And kyng Eroude herde, for his name was maad opyn, and seide, That Joon Baptist hath risen ayen fro deeth, and therfor vertues worchen in hym.

For thilke Eroude sente, and helde Joon, and boond hym in to prisoun, for Erodias, the wijf of Filip, his brothir; for he hadde weddid hir.

And whanne a couenable dai was fallun, Eroude in his birthdai made a soper to the princis, and tribunes, and to the grettest of Galilee.

and brouyte his heed in a disch, and yaf it to the damysel, and the damysel yaf to hir modir.

And whanne this thing was herd, hise disciplis camen, and token his bodi, and leiden it in a biriel.

And whidur euer `he entride in to villagis, ethir in to townes, or in to citees, thei setten sijk men in stretis, and preiden hym, that thei schulden touche namely the hemme of his cloth; and hou many that touchiden hym, weren maad saaf.

for it hath not entrid in to his herte, but in to the wombe, and bynethe it goith out, purgynge alle metis.

And thei bryngen to hym a man deef and doumbe, and preieden hym to leye his hoond on hym.