Study Desk

And aftir these daies Elizabeth, his wijf, conseyuede, and hidde hir fyue monethis, and seide,

And whanne sche hadde herd, sche was troublid in his word, and thouyte what maner salutacioun this was.

Lo! thou schalt conceyue in wombe, and schalt bere a sone, and thou schalt clepe his name Jhesus.

This schal be greet, and he schal be clepid the sone of the Hiyeste; and the Lord God schal yeue to hym the seete of Dauid, his fadir, and he schal regne in the hous of Jacob with outen ende,

and of his rewme schal be noon ende.

For he hath biholdun the mekenesse of his handmaidun.

For lo! of this alle generaciouns schulen seie that Y am blessid. For he that is myyti hath don to me grete thingis, and his name is hooli.

And his mercy is fro kynrede in to kynredes, to men that dreden hym.

He made myyt in his arme, he scaterede proude men with the thouyte of his herte.

He, hauynge mynde of his mercy, took Israel, his child;

as he hath spokun to oure fadris, to Abraham and to his seed, in to worldis.

And the neiyboris and cosyns of hir herden, that the Lord hadde magnyfied his mercy with hir; and thei thankiden hym.

And it was don in the eiyte dai, thei camen to circumcide the child; and thei clepiden hym Zacarie, bi the name of his fadir.

And his moder answeride, and seide, Nay, but he schal be clepid Joon.

And thei bikeneden to his fadir, what he wolde that he were clepid.

And he axynge a poyntil, wroot, seiynge, Joon is his name.

And alle men wondriden. And anoon his mouth was openyd, and his tunge, and he spak, and blesside God.

And Zacarie, his fadir, was fulfillid with the Hooli Goost, and prophesiede,

and seide, Blessid be the Lord God of Israel, for he hath visitid, and maad redempcioun of his puple.

And he hath rerid to vs an horn of heelthe in the hous of Dauid, his child.