Study Desk

Synge ye to oure God, synge ye; synge ye to oure kyng, synge ye.

For God is kyng of al erthe; synge ye wiseli.

God schal regne on hethene men; God sittith on his hooli seete.

The princes of puplis ben gaderid togidere with God of Abraham; for the stronge goddis of erthe ben reisid greetli.

The title of the seuene and fourtithe salm. The song of salm, of the sones of Chore. The Lord is greet, and worthi to be preisid ful myche; in the citee of oure God, in the hooli hil of hym.

God schal be knowun in the housis therof; whanne he schal take it.

As we herden, so we sien, in the citee of the Lord of vertues, in the citee of oure God; God hath foundid that citee with outen ende.

God, we han resseyued thi mercy; in the myddis of thi temple.

Aftir thi name, God, so thin heriyng is spred abrood in to the endis of erthe; thi riyt hond is ful of riytfulnesse.

For this is God, oure God, in to withouten ende, and in to the world of world; he schal gouerne vs in to worldis.

A brother ayenbieth not, schal a man ayenbie? and he schal not yyue to God his plesyng.

Netheles God schal ayenbie my soule from the power of helle; whanne he schal take me.

The title of the nyne and fourtithe salm. The salm of Asaph. God, the Lord of goddis, spak; and clepide the erthe,

God schal come opynli; oure God, and he schal not be stille. Fier schal brenne an hiye in his siyt; and a strong tempest in his cumpas.

`And heuenes schulen schewe his riytfulnesse; for God is the iuge.

Mi puple, here thou, and Y schal speke to Israel; and Y schal witnesse to thee, Y am God, thi God.

Offre thou to God the sacrifice of heriyng; and yelde thin avowis to the hiyeste God.

But God seide to the synnere, Whi tellist thou out my riytfulnessis; and takist my testament bi thi mouth?

Ye that foryeten God, vndurstonde these thingis; lest sum tyme he rauysche, and noon be that schal delyuere.

The sacrifice of heriyng schal onoure me; and there is the weie, where ynne Y schal schewe to hym the helthe of God.