Study Desk

God spak bi his hooli; Y schal be glad, and Y schal departe Siccimam, and Y schal meete the greet valei of tabernaclis.

Whether not thou, God, that hast put awei vs; and schalt thou not, God, go out in oure vertues?

In God we schulen make vertu; and he schal bringe to nouyt hem that disturblen vs.

The titil of the sixtithe salm. To the victorie on orgun, to Dauid hym silf. God, here thou my biseching; yyue thou tent to my preyer.

For thou, my God, hast herd my preier; thou hast youe eritage to hem that dreden thi name.

He dwellith with outen ende in the siyt of God; who schal seke the merci and treuthe of hym?

The titil of the oon and sixtithe salm. To the victorie on Iditum, the salm of Dauid. Whether my soule schal not be suget to God; for myn heelthe is of hym.

For whi he is bothe my God, and myn heelthe; my `taker vp, Y schal no more be moued.

Netheles, my soule, be thou suget to God; for my pacience is of hym.

For he is my God, and my saueour; myn helpere, Y schal not passe out.

Myn helthe, and my glorie is in God; God is the yyuer of myn help, and myn hope is in God.

Al the gaderyng togidere of the puple, hope ye in God, schede ye out youre hertis bifore hym; God is oure helpere with outen ende.

God spak onys, Y herde these twei thingis, that power is of God, and, thou Lord, mercy is to thee;

The titil of the two and sixtithe salm. `The salm of Dauid, `whanne he was in the desert of Judee. God, my God, Y wake to thee ful eerli. Mi soule thirstide to thee; my fleisch thirstide to thee ful many foold.

But the king schal be glad in God; and alle men schulen be preysid that sweren in hym, for the mouth of hem, that speken wickid thingis, is stoppid.

The titil of the thre and sixtithe salm. `In Ebrewe thus, To the victorie, the salm of Dauid. `In Jerom `thus, To the ouercomer, the song of Dauid. God, here thou my preier, whanne Y biseche; delyuere thou my soule fro the drede of the enemy.

and God schal be enhaunsid. The arowis of `litle men ben maad the woundis of hem;

and ech man dredde. And thei telden the werkis of God; and vndurstoden the dedis of God.

The titil of the foure and sixtithe salm. `To victorie, `the salm of the song of Dauid. God, heriyng bicometh thee in Syon; and a vow schal be yolden to thee in Jerusalem.

thi temple is hooli, wondurful in equite. God, oure heelthe, here thou vs; thou art hope of alle coostis of erthe, and in the see afer.