Study Desk

The title of the fiftithe salm. To victorie, the salm of Dauid; `whanne Nathan the prophete cam to hym, whanne he entride to Bersabee. God, haue thou merci on me; bi thi greet merci. And bi the mychilnesse of thi merciful doyngis; do thou awei my wickidnesse.

God, make thou a clene herte in me; and make thou newe a riytful spirit in my entrailis.

God, the God of myn helthe, delyuere thou me fro bloodis; and my tunge schal ioyfuli synge thi riytfulnesse.

A sacrifice to God is a spirit troblid; God, thou schalt not dispise a contrit herte and `maad meke.

Therfor God schal distrie thee in to the ende, he schal drawe thee out bi the roote, and he schal make thee to passe awei fro thi tabernacle; and thi roote fro the lond of lyuynge men.

the man that settide not God his helpere. But he hopide in the multitude of his richessis; and hadde maistrie in his vanite.

Forsothe Y, as a fruytful olyue tre in the hous of God; hopide in the merci of God with outen ende, and in to the world of world.

The title of the two and fiftithe salm. To the ouercomer bi the quere, the lernyng of Dauid. The vnwise man seide in his herte; God is not. Thei ben `corrupt, and maad abhomynable in her wickidnessis; noon is that doith good.

God bihelde fro heuene on the sones of men; that he se, if `ony is vndurstondynge, ether sekynge God.

Thei clepiden not God; there thei trembliden for drede, where no drede was. For God hath scaterid the boones of hem, that plesen men; thei ben schent, for God hath forsake hem.

The title of the thre and fiftithe salm. To victorie in orguns, ether in salmes, the lernyng of Dauid, `whanne Zyfeys camen, and seiden to Saul, Whethir Dauid is not hid at vs? God, in thi name make thou me saaf; and in thi vertu deme thou me.

God, here thou my preier; with eeris perseyue thou the wordis of my mouth.

For aliens han rise ayens me, and stronge men souyten my lijf; and thei settiden not God bifor her siyt.

For, lo! God helpith me; and the Lord is vptaker of my soule.

The title of the foure and fiftithe salm. `In Ebreu thus, To victorie in orguns, the lernyng of Dauid. `In Jeroms translacioun thus, To the ouercomer in salmes of Dauid lernid. God, here thou my preier, and dispise thou not my biseching;

Which tokist togidere swete meetis with me; we yeden with consent in the hous of God.

God schal here; and he that is bifore the worldis schal make hem low. For chaungyng is not to hem, and thei dredden not God;

But thou, God, schalt lede hem forth; in to the pit of deth. Menquelleris and gilours schulen not haue half her daies; but, Lord, Y schal hope in thee.

God, haue thou merci on me, for a man hath defoulid me; al dai he impugnyde, and troublide me.

Of the hiynesse of dai Y schal drede; but God Y schal hope in thee.