Study Desk

God, delyuere thou Israel; fro alle hise tribulaciouns.

God, leese thou not my soule with vnfeithful men; and my lijf with men of bloodis.

Turne thou not awei thi face fro me; bouwe thou not awei in ire fro thi seruaunt. Lord, be thou myn helpere, forsake thou not me; and, God, myn helthe, dispise thou not me.

The title of the seuen and twentithe salm. To Dauid. Lord, Y schal crye to thee; my God, be thou not stille fro me, be thou not stille `ony tyme fro me; and Y schal be maad lijk to hem, that goen doun in to the lake.

The title of the eiyt and twentithe salm. The salm, ethir song of Dauid. Ye sones of God, brynge to the Lord; brynge ye to the Lord the sones of rammes.

The vois of the Lord on watris, God of mageste thundride; the Lord on many watris.

Mi Lord God, Y criede to thee; and thou madist me hool.

Lord, Y schal crye to thee; and Y schal preye to my God.

That my glorie synge to thee, and Y be not compunct; my Lord God, Y schal knouleche to thee with outen ende.

Bouwe doun thin eere to me; haaste thou to delyuere me. Be thou to me in to God defendere, and in to an hows of refuyt; that thou make me saaf.

I bitake my spirit in to thin hondis; Lord God of treuthe, thou hast ayen bouyt me.

But, Lord, Y hopide in thee; Y seide, Thou art my God; my tymes ben in thin hondis.

Blessid is the folk, whose Lord is his God; the puple which he chees into eritage to hym silf.

Rise vp, and yyue tent to my doom; my God and my Lord, biholde in to my cause.

Mi Lord God, deme thou me bi thi riytfulnesse; and haue thei not ioye on me.

`The title of the fyue and thrittithe salm. `To victorie, to Dauid, `the seruaunt of the Lord. The vniust man seide, that he trespasse in hym silf; the drede of God is not bifor hise iyen.

For he dide gilefuli in the siyt of God; that his wickidnesse be foundun to hatrede.

Thi riytfulnesse is as the hillis of God; thi domes ben myche depthe of watris. Lord, thou schalt saue men and beestis;

as thou, God, hast multiplied thi merci. But the sones of men; schulen hope in the hilyng of thi wyngis.

The lawe of his God is in his herte; and hise steppis schulen not be disseyued.