Study Desk

Thou hast visitid the lond, and hast greetli fillid it; thou hast multiplied to make it riche. The flood of God was fillid with watris; thou madist redi the mete of hem, for the makyng redi therof is so.

Al the erthe, make ye ioie hertli to God, seie ye salm to his name; yyue ye glorie to his heriyng.

Seie ye to God, Lord, thi werkis ben dredeful; in the multitude of thi vertu thin enemyes schulen lie to thee.

God, al the erthe worschipe thee, and synge to thee; seie it salm to thi name.

Come ye and se ye the werkis of God; ferdful in counseils on the sones of men.

Ye hethen men, blesse oure God; and make ye herd the vois of his preising.

For thou, God, hast preued vs; thou hast examyned vs bi fier, as siluer is examyned.

Alle ye that dreden God, come and here, and Y schal telle; hou grete thingis he hath do to my soule.

Therfor God herde; and perseyuede the vois of my bisechyng.

Blessid be God; that remeued not my preyer, and `took not awei his merci fro me.

God haue merci on vs, and blesse vs; liytne he his cheer on vs, and haue merci on vs.

God, puplis knowleche to thee; alle puplis knouleche to thee.

God, puplis knouleche to thee, alle puplis knouleche to thee;

the erthe yaf his fruyt. God, oure God blesse vs, God blesse vs; and alle the coostis of erthe drede hym.

The titil of the seuene and sixtithe salm. To the victorie, the salm `of the song `of Dauid. God rise vp, and hise enemyes be scaterid; and thei that haten hym fle fro his face.

As smoke failith, faile thei; as wax fletith fro the face of fier, so perische synneris fro the face of God.

And iust men eete, and make fulli ioye in the siyt of God; and delite thei in gladnesse.

Synge ye to God, seie ye salm to his name; make ye weie to hym, that stieth on the goyng doun, the Lord is name to hym. Make ye fulli ioye in his siyt, enemyes schulen be disturblid fro the face of hym,

God is in his hooli place; God that makith men of o wille to dwelle in the hous. Which leedith out bi strengthe hem that ben boundun; in lijk maner hem that maken scharp, that dwellen in sepulcris.

God, whanne thou yedist out in the siyt of thi puple; whanne thou passidist forth in the desert.