Study Desk

The `title of the hundrid and sixe and fourtithe salm. Alleluya. Herie ye the Lord, for the salm is good; heriyng be myrie, and fair to oure God.

Bifore synge ye to the Lord in knoulechyng; seye ye salm to oure God in an harpe.

Jerusalem, herie thou the Lord; Syon, herie thou thi God.

The ful out ioiyngis of God in the throte of hem; and swerdis scharp on `ech side in the hondis of hem.

thanne thou schalt vndirstonde the drede of the Lord, and schalt fynde the kunnyng of God.

and hath foryete the couenaunt of hir God. For the hous of hir is bowid to deeth, and hir pathis to helle.

And thou schalt fynde grace, and good teching bifore God and men.

Be thou not wijs anentis thi silf; drede thou God, and go awei fro yuel.

For the comaundement of God is a lanterne, and the lawe is liyt, and the blamyng of techyng is the weie of lijf;

The blessing of God is ouer the heed of a iust man; but wickidnesse hilith the mouth of wickid men.

A gileful balaunce is abhominacioun anentis God; and an euene weiyte is his wille.

A man goynge in riytful weie, and dredinge God, is dispisid of hym, that goith in a weie of yuel fame.

Alle the weies of men ben opyn to the iyen of God; the Lord is a weiere of spiritis.

Abhomynacioun of the Lord is ech proude man; yhe, thouy the hond is to the hond, he schal not be innocent. The bigynnyng of good weie is to do riytwisnesse; forsothe it is more acceptable at God, than to offre sacrifices.

Bothe he that iustifieth a wickid man, and he that condempneth a iust man, euer ethir is abhomynable at God.

The foli of a man disseyueth hise steppis; and he brenneth in his soule ayens God.

He that kepith the comaundement of God, kepith his soule; but he that chargith not his weie, schal be slayn.

The drede of the Lord ledith to lijf `of blis; and he `that dredith God schal dwelle in plentee, with outen visityng `of the worste.

A weiyte and a weiyte, a mesure and a mesure, euer eithir is abhomynable at God.

An eere heringe, and an iye seynge, God made euere eithir.