Study Desk

As he swoor to the Lord; he made a vowe to God of Jacob.

And rest to my templis, til Y fynde a place to the Lord; a tabernacle to God of Jacob.

The `title of the hundrid and thre and thrittithe salm. The song of greces. Lo! now blesse ye the Lord; alle the seruauntis of the Lord. Ye that stonden in the hous of the Lord; in the hallis of `the hous of oure God.

Ye that stonden in the hous of the Lord; in the hallis of `the hous of oure God.

For Y haue knowe, that the Lord is greet; and oure God bifore alle goddis.

Knouleche ye to the God of goddis.

Which yyueth mete to ech fleisch. Knouleche ye to God of heuene.

The `title of the hundrid and seuene and thrittithe salm. `To Dauith him silf. Lord, Y schal knouleche to thee in al myn herte; for thou herdist the wordis of my mouth. Mi God, Y schal singe to thee in the siyt of aungels;

Forsothe, God, thi frendis ben maad onourable ful myche to me; the princeheed of hem is coumfortid ful myche.

For thou, God, schalt slee synneris; ye menquelleris, bowe awei fro me.

God, preue thou me, and knowe thou myn herte; axe thou me, and knowe thou my pathis.

I seide to the Lord, Thou art mi God; Lord, here thou the vois of my biseching.

teche thou me to do thi wille, for thou art my God. Thi good spirit schal lede me forth in to a riytful lond;

The title of the hundrid and thre and fourtithe salm. `A salm. Blessid be my Lord God, that techith myn hondis to werre; and my fyngris to batel.

God, Y schal synge to thee a new song; I schal seie salm to thee in a sautre of ten stringis.

Thei seiden, `The puple is blessid, that hath these thingis; blessid is the puple, whos Lord is the God of it.

The title of the hundrid and foure and fourtithe salm. `The ympne of Dauith. Mi God king, Y schal enhaunse thee; and Y schal blesse thi name in to the world, and in to the world of world.

Mi soule, herie thou the Lord; Y schal herie the Lord in my lijf, Y schal synge to my God as longe as Y schal be. Nile ye triste in princis;

He is blessid, of whom the God of Jacob is his helpere, his hope is in his Lord God, that made heuene and erthe;

The Lord schal regne in to the worldis; Syon, thi God schal regne in generacioun and in to generacioun.