Study Desk

Enhaunse ye oure Lord God; and worschipe ye the stool of hise feet, for it is hooli.

Oure Lord God, thou herdist hem; God, thou were merciful to hem, and thou tokist veniaunce on al her fyndyngis.

Enhaunse ye oure Lord God, and worschipe ye in his hooli hil; for oure Lord God is hooli.

Al erthe, singe ye hertli to God; serue ye the Lord in gladnesse. Entre ye in his siyt; in ful out ioiyng.

Wite ye, that the Lord hym silf is God; he made vs, and not we maden vs. His puple, and the scheep of his lesewe,

The hundrid and thridde salm. Mi soule, blesse thou the Lord; my Lord God, thou art magnyfied greetli. Thou hast clothid knouleching and fairnesse; and thou art clothid with liyt,

Liouns whelpis rorynge for to rauysche; and to seke of God meete to hem silf.

I schal singe to the Lord in my lijf; Y schal seie salm to my God, as longe as Y am.

He is oure Lord God; hise domes ben in al the erthe.

And God clepide hungir on erthe; and he wastide al the stidefastnesse of breed.

And God encreesside his puple greetli; and made hym stidefast on hise enemyes.

God seide, and a fleische flie cam; and gnattis in alle the coostis of hem.

And thei coueitiden coueitise in deseert; and temptiden God in a place with out watir.

Thei foryaten God, that sauede hem, that dide grete werkis in Egipt,

And God seide, that he wolde leese hem; if Moises, his chosun man, hadde not stonde in the brekyng of his siyt. That he schulde turne awei his ire; lest he loste hem.

And thei wraththiden God in her fyndyngis; and fallyng was multiplied in hem.

And Fynees stood, and pleeside God; and the veniaunce ceesside.

And thei wraththiden God at the watris of ayenseiyng; and Moises was trauelid for hem, for thei maden bittere his spirit,

Oure Lord God, make thou vs saaf; and gadere togidere vs fro naciouns. That we knouleche to thin hooli name; and haue glorie in thi preisyng.

Blessid be the Lord God of Israel fro the world and til in to the world; and al the puple schal seye, Be it don, be it don.