Study Desk

For Y kepte the weies of the Lord; and Y dide not vnfeithfuli fro my God.

For thou, Lord, liytnest my lanterne; my God, liytne thou my derknessis.

For bi thee Y schal be delyuered fro temptacioun; and in my God Y schal `go ouer the wal.

Mi God, his weie is vndefoulid, the speches of the Lord ben examyned bi fier; he is defendere of alle men hopynge in hym.

For whi, who is God out takun the Lord? ethir who is God outakun oure God?

God that hath gird me with vertu; and hath set my weie vnwemmed.

The Lord lyueth, and my God be blessid; and the God of myn helthe be enhaunsid.

God, that yauest veniaunces to me, and makist suget puplis vndur me; my delyuerere fro my wrathful enemyes.

The title of the eiytenthe salm. To victorie, the salm of Dauid. Heuenes tellen out the glorie of God; and the firmament tellith the werkis of hise hondis.

The title of the nyntenthe salm. To victorie, the salm of Dauid. The Lord here thee in the dai of tribulacioun; the name of God of Jacob defende thee.

We schulen be glad in thin helthe; and we schulen be magnyfied in the name of oure God.

Thes in charis, and these in horsis; but we schulen inwardli clepe in the name of oure Lord God.

The `title of the oon and twentithe salm. To ouercome, for `the morewtid hynd; the salm of Dauid. God, my God, biholde thou on me, whi hast thou forsake me? the wordis of my trespassis ben fer fro myn helthe.

Mi God, Y schal crye bi dai, and thou schalt not here; and bi nyyt, and not to vnwisdom to me.

in to thee Y am cast forth fro the wombe. Fro the wombe of my modir thou art my God; departe thou not fro me.

God, delyuere thou my lijf fro swerd; and delyuere thou myn oon aloone fro the hond of the dogge.

`This man schal take blessyng of the Lord; and mercy of God his helthe.

This is the generacioun of men sekynge hym; of men sekynge the face of God of Jacob.

Lord, to thee Y haue reisid my soule; my God, Y truste in thee, be Y not aschamed.

Dresse thou me in thi treuthe, and teche thou me, for thou art God my sauyour; and Y suffride thee al dai.