Study Desk

And thei seiden, How woot God; and whether kunnyng is an heiye, `that is, in heuene?

Til Y entre in to the seyntuarie of God; and vndurstonde in the last thingis of hem.

Mi fleische and myn herte failide; God of myn herte, and my part is God withouten ende.

But it is good to me to cleue to God; and to sette myn hope in the Lord God. That Y telle alle thi prechyngis; in the yatis of the douyter of Syon.

The title of the thre and seuentithe salm. The lernyng of Asaph. God, whi hast thou put awei in to the ende; thi strong veniaunce is wrooth on the scheep of thi leesewe?

The kynrede of hem seiden togidere in her herte; Make we alle the feest daies of God to ceesse fro the erthe.

God, hou long schal the enemye seie dispit? the aduersarie territh to ire thi name in to the ende.

Forsothe God oure kyng bifore worldis; wrouyte heelthe in the mydis of erthe.

God, rise vp, deme thou thi cause; be thou myndeful of thin vpbreidyngis, of tho that ben al dai of the vnwise man.

The title of the foure and seuentithe salm. `To the ouercomere; leese thou not the salm of the song of Asaph. God, we schulen knouleche to thee, `we schulen knouleche; and we schulen inwardli clepe thi name.

Nyle ye reise an hiy youre horn; nyle ye speke wickidnesse ayens God.

For nether fro the eest, nethir fro the west, nethir fro desert hillis; for God is the iuge.

Forsothe Y schal telle in to the world; Y schal synge to God of Jacob.

The title of the fyue and seuentithe salm. To the victorie in orguns, `the salm of the song of Asaph. God is knowun in Judee; his name is greet in Israel.

And thou, God, liytnest wondirfuli fro euerlastynge hillis;

Thei that stieden on horsis; slepten for thi blamyng, thou God of Jacob.

Whanne God roos vp in to doom; to make saaf al the mylde men of erthe.

Make ye a vow, and yelde ye to youre Lord God; alle that bringen yiftis in the cumpas of it.

To God ferdful, and to him that takith awei the spirit of prynces; to the ferdful at the kyngis of erthe.

The `title of the sixte and seuentithe salm. `To the ouercomere on Yditum, `the salm of Asaph. With my vois Y criede to the Lord; with my vois to God, and he yaf tent to me.