Study Desk

my soule coueitith, and failith in to the porchis of the Lord. Myn herte and my fleische; ful out ioyeden in to quyk God.

For whi a sparewe fyndith an hous to it silf; and a turtle fyndith a neste to it silf, where it `schal kepe hise bryddis. Lord of vertues, thin auteris; my king, and my God.

For the yyuer of the lawe schal yyue blessyng, thei schulen go fro vertu in to vertu; God of goddis schal be seyn in Sion.

Lord God of vertues, here thou my preier; God of Jacob, perseyue thou with eeris.

God, oure defender, biholde thou; and biholde in to the face of thi crist.

For whi o dai in thin hallis is bettere; than a thousynde. I chees to be `an out cast in the hous of my God; more than to dwelle in the tabernaclis of synneris.

For God loueth merci and treuthe; the Lord schal yyue grace and glorie.

God, oure helthe, conuerte thou vs; and turne awei thin ire fro vs.

God, thou conuertid schalt quykene vs; and thi puple schal be glad in thee.

I schal here what the Lord God schal speke in me; for he schal speke pees on his puple. And on hise hooli men; and on hem that ben turned to herte.

Kepe thou my lijf, for Y am holi; my God, make thou saaf thi seruaunt hopynge in thee.

For thou art ful greet, and makinge merueils; thou art God aloone.

Mi Lord God, Y schal knouleche to thee in al myn herte; and Y schal glorifie thi name withouten ende.

God, wickid men han rise vp on me; and the synagoge of myyti men han souyt my lijf; and thei han not set forth thee in her siyt.

And thou, Lord God, doynge merci, and merciful; pacient, and of myche merci, and sothefast.

Thou citee of God, with outen ende; gloriouse thingis ben seide of thee.

The title of the seuene and eiytetithe salm. The song of salm, to the sones of Chore, to victorie on Mahalat, for to answere, the lernyng of Heman Ezraite. Lord God of myn helthe; Y criede in dai and nyyt bifore thee.

For who in the cloudis schal be maad euene to the Lord; schal be lijk God among the sones of God?

God, which is glorified in the counsel of seyntis; is greet, and dreedful ouere alle that ben in his cumpas.

Lord God of vertues, who is lijk thee? Lord, thou art miyti, and thi treuthe is in thi cumpas.