Study Desk

And thei temptiden, and wraththiden heiy God; and thei kepten not hise witnessyngis.

God herde, and forsook; and brouyte to nouyt Israel greetli.

God, oure heelthe, helpe thou vs, and, Lord, for the glorie of thi name delyuer thou vs; and be thou merciful to oure synnes for thi name.

Lest perauenture thei seie among hethene men, Where is the God of hem? and be he knowun among naciouns bifore oure iyen. The veniaunce of the blood of thi seruauntis, which is sched out; the weilyng of feterid men entre in thi siyt.

God of vertues, turne thou vs; and schewe thi face, and we schulen be saaf.

Lord God of vertues; hou longe schalt thou be wrooth on the preier of thi seruaunt?

God of vertues, turne thou vs; and schewe thi face, and we schulen be saaf.

The schadewe therof hilide hillis; and the braunchis therof filliden the cedris of God.

God of vertues, be thou turned; biholde thou fro heuene, and se, and visite this vyne.

Lord God of vertues, turne thou vs; and schewe thi face, and we schulen be saaf.

The title of the eiytetithe salm. To the ouercomer in the pressours of Asaph. Make ye fulli ioye to God, oure helpere; synge ye hertli to God of Jacob.

For whi comaundement is in Israel; and doom is to God of Jacob.

Israel, if thou herist me, a fresche God schal not be in thee, and thou schalt not worschipe an alien god.

For Y am thi Lord God, that ladde thee out of the lond of Egipt; make large thi mouth, and Y schal fille it.

The title of the oon and eiytetithe salm. Of Asaph. God stood in the synagoge of goddis; forsothe he demeth goddis in the myddil.

I seide, Ye ben goddis; and alle ye ben the sones of hiy God.

Ryse, thou God, deme thou the erthe; for thou schalt haue eritage in alle folkis.

The title of the two and eiytetithe salm. The song of the salm of Asaph. God, who schal be lijk thee? God, be thou not stille, nether be thou peesid.

Holde we bi eritage the seyntuarie of God.

My God, putte thou hem as a whele; and as stobil bifor the face of the wynde.