Study Desk

He schal inwardli clepe me, Thou art my fadir; my God, and the vptaker of myn heelthe.

The title of the nyne and eiytetithe salm. The preier of Moises, the man of God. Lord, thou art maad help to vs; fro generacioun in to generacioun.

Bifore that hillis weren maad, ether the erthe and the world was formed; fro the world and in to the world thou art God.

And the schynyng of oure Lord God be on vs; and dresse thou the werkis of oure hondis on vs, and dresse thou the werk of oure hondis.

`The nyntithe salm. He that dwellith in the help of the hiyeste God; schal dwelle in the proteccioun of God of heuene.

He schal seie to the Lord, Thou art myn vptaker, and my refuit; my God, Y schal hope in him.

For God hath comaundid to hise aungels of thee; that thei kepe thee in alle thi weies.

Men plauntid in the hous of the Lord; schulen floure in the porchis of the hous of oure God.

Yit thei schulen be multiplied in plenteuouse elde; and thei schulen be suffryng wel. That thei telle, that oure Lord God is riytful; and no wickidnesse is in hym.

God, thi seete was maad redi fro that tyme; thou art fro the world. Lord, the flodis han reisid; the flodis han reisid her vois. Flodis reisiden her wawis; of the voicis of many watris.

The thre and nyntithe salm. God is Lord of veniauncis; God of veniauncis dide freli.

And thei seiden, The Lord schal not se; and God of Jacob schal not vndurstonde.

And the Lord was maad to me in to refuyt; and my God was maad in to the help of myn hope.

And he schal yelde to hem the wickidnesse of hem; and in the malice of hem he schal lese hem, oure Lord God schal lese hem.

The foure and nyntithe salm. Come ye, make we ful out ioie to the Lord; hertli synge we to God, oure heelthe.

For God is a greet Lord, and a greet king aboue alle goddis; for the Lord schal not putte awei his puple.

Come ye, herie we, and falle we doun bifore God, wepe we bifore the Lord that made vs;

for he is oure Lord God. And we ben the puple of his lesewe; and the scheep of his hond.

He bithouyte on his merci; and on his treuthe, to the hous of Israel. Alle the endis of erthe; sien the heelthe of oure God.

Al erthe, make ye hertli ioye to God; synge ye, and make ye ful out ioye, and seie ye salm.