Study Desk

The spirit brethith where he wole, and thou herist his vois, but thou wost not, fro whennus he cometh, ne whidir he goith; so is ech man that is borun of the spirit.

And as Moises areride a serpent in desert, so it bihoueth mannys sone to be reisid,

For God louede so the world, that he yaf his `oon bigetun sone, that ech man that bileueth in him perische not, but haue euerlastynge lijf.

For as the fadir reisith deed men, and quykeneth, so the sone quykeneth whom he wole.

For as the fadir hath lijf in hym silf, so he yaf to the sone, to haue lijf in him silf;

seith to him, A child is here, that hath fyue barli looues and twei fischis; but what ben these among so manye?

Therfor Jhesus seith, Make ye hem sitte to the mete. And there was myche hey in the place. And so men saten to the mete, as `fyue thousynde in noumbre.

And so thei gadriden, and filliden twelue cofyns of relif of the fyue barli looues and twei fischis, that lefte to hem that hadden etun.

The mynystris answeriden, Neuere man spak so, as this man spekith.

And so neiyboris, and thei that hadden seyn him bifor, for he was a beggere, seiden, Whether this is not he, that sat, and beggide?

And so Jhesus cam, and foond hym hauynge thanne foure daies in the graue.

And whanne he hadde don so many myraclis bifor hem, thei bileueden not `in to hym;

And Y woot, that his maundement is euerlastynge lijf; therfor tho thingis that Y speke, as the fadir seide to me, so Y speke.

And so he cam to Symount Petre, and Petre seith to hym, Lord, waischist thou my feet?

And so aftir that he hadde waischun `the feet of hem, he took hise clothis; and whanne he was set to mete ayen, eft he seide to hem, Ye witen what Y haue don to you.

for Y haue youun `ensaumple to you, `that as I haue do to you, so do ye.

And so oon of hise disciplis was restynge in the bosum of Jhesu, whom Jhesu louede.

And so whanne he hadde restid ayen on the brest of Jhesu, he seith to hym, Lord, who is it?

Jhesus seith to hym, So long tyme Y am with you, and `han ye not knowun me? Filip, he that seeth me, seeth also the fadir. Hou seist thou, schewe to vs the fadir?

But that the world knowe, that Y loue the fadir; and as the fadir yaf a comaundement to me, so Y do. `Rise ye, go we hennus.